Әшімбаев Қазақстанда бірінші мамырда өткен митингтер туралы айтты

"Nur Otan" партиясы төрағасының бірінші орынбасары Мәулен Әшімбаев еліміздің бірқатар өңірінде бірінші мамыр күні өткен заңсыз шерулерге қатысты пікір білдірді

Бұл туралы Мәулен Әшімбаев орталық сайлау комиссиясындағы брифинг барысында БАҚ өкілдеріне айтып берді.

 "Нұр-Сұлтан, Алматы және өзге де бірқатар қалада өткен шерулердегі жағдай біркелкі. Біздің азаматтарымыздың пікір айту, жиналу құқығы бар. Бірақ мұның барлығы да еліміздің заңнамасына сәйкес орын алуы тиіс. Егер мұндай жағдай болмаса, біз заңда ұстанбасақ, белгіленген ережелерге бағынбасақ, онда мұның бүкіл қоғам үшін теріс салдары болады", - деді "Nur Otan" партиясы төрағасының бірінші орынбасары.